Coordenadas: 59°55′0″N 10°45′23″L / 59.91667, -10.75639

Oslo
Vitas da cidade.
Localización
Oslo
País	Noruega
Condado	Condado de Oslo
Distrito	Østlandet
Xeografía
Superficie	454 km²
Demografía
Poboación	673 469 hab. (2018)
Densidade	1 400 hab./km²
Outros datos
Fundación	ca. 1048
Código postal	0001 – 1299
Alcalde	Marianne Borgen (SV)
Páxina web oficial de Oslo

Oslo, chamada Christiania entre 1624 e 1878 e Kristiania entre 1878 e 1924, é a capital e a cidade máis habitada de Noruega, amais de ser o seu centro político, económico e cultural. Políticamente constitúe un concello e a vez unha das dezanove provincias do país. En 2018 a súa poboación era de 673 469 habitantes,​ un 12% da poboación total de Noruega, sendo a terceira cidade e área urbana máis poboada de Escandinavia, só superada por Copenhague e Estocolmo. O 25% da poboacíon da cidade está composta por inmigrantes.

A súa área metropolitana esténdese aos arredores da provincia de Akershus e ten unha poboación de 1 588 457 habitantes. A superficie total comprendida por Oslo é de 144 km², dos cales 115 km² son urbanos e 7 km² rurais. Os espazos abertos dentro da área urbana suman un total de 22 km². O centro de Oslo sitúase no final do Oslofjord, dende o cal a cidade se estende polas dúas beiras do fiorde.

Orixe etimolóxica |

O significado do nome de Oslo foi obxecto de numerosos debates. Oslo deriva do nórdico antigo, sendo, con toda probabilidade, o nome dunha vasta granxa no lugar dos primeiros asentamientos en Bjørvika.

Durante a Idade Media o nome, ao principio, foi deletreado 'Ásló', para máis tarde obter 'Ósló'. A ortografía máis temperá suxire que o primeiro compoñente 'ás' refírese a calquera das cristas Ekeberg, ao sueste da cidade ('ås' no noruegués moderno), ou ao homónimo nórdico que quere dicir 'o deus' ou 'a divindade'. As interpretacións máis probables polo tanto serían 'a pradería baixo a crista' ou 'a pradería dos deuses'. Ambos son igualmente plausibles.

Un incendio en 1624 destruíu gran parte da cidade medieval (a sección agora coñecida como Gamlebyen) e a cidade foi recolocada preto da Fortaleza de Akershus. O Rei Christian IV de Dinamarca e Noruega renomeou a rebautizada cidade como Christiania (ou Cristianía, en galego). Dende finais de 1800, o nome da cidade apareceu escrito tamén como "Kristiania". Non se aprobou oficialmente ningunha delas, polo que ambas as dúas eran válidas e aceptábanse os seus usos. O nome orixinal de Oslo foi restaurado por unha lei do 11 de xullo de 1924, sendo efectiva a partir do 1 de xaneiro de 1925.

A cidade foi unha vez referida como Tigerstaden (a Cidade dos Tigres) polo escritor Bjørnstjerne Bjørnson cara a 1870, debido á súa percepción da cidade como un lugar frío e perigoso. Durante anos, este nome obtivo un status case oficial, chegando a celebrarse o 1000 aniversario da cidade cunha fileira de esculturas de tigres ao redor do concello. A existencia de persoas sen fogar e outros esmoleiros conduciu a reformular o alcume de Tigerstaden á Cidade dos Esmoleiros. Isto plamouno o escritor Knut Hamsun de xeito moi dura na súa novela Sult (Fame, en galego) en 1890 (levada ao cine en 1966 por Henning Carlsen).

Historia |

Atentados terroristas de 2011 |

O 22 de xullo de 2011 ás 15:30, unha gran explosión tivo lugar xunto a un edificio do goberno noruego no centro de Oslo, matando a oito persoas e ferindo a 209. Ese mesmo día, ás 17:00, prodúcese un tiroteo nun campamento das xuventudes do Partido Laborista (nese momento no goberno) na illa de Utøya, deixando neste segundo ataque 69 mortos e 110 feridos.^[1]

En lembranza ás vítimas dos atentados e ás familias noruegas desprazadas a Galicia pola industria naval, o concello galego de Ares inaugurou en xullo de ese mesmo ano a rúa de Noruega.^[2]

Cultura |

Museos |

Os principais museos da cidade son:

• Museo do Esquí, en Holmenkollen.


• Museo Kon-Tiki, en Bygdøy.


• Museo Munch (Munchmuseet), en Tøyen.


• Galería Nacional de Noruega (Nasjonalgalleriet).


• Museo Marítimo Noruego, en Bygdøy.


• Museo de Barcos Viquingos (Vikingskipshuset), en Bygdøy.


• Museo do Pobo Noruego (Norsk folkemuseet).

Transporte |

Estación Central de Oslo (Oslo Sentralstasjon), a principal da cidade.

Aeroportos |

Existen tres aeroportos próximos a Oslo que dan servizo á cidade:

• 
  Aeroporto de Oslo-Gardermoen, na provincia de Akershus.


• Aeroporto de Sandefjord-Torp, na provincia de Vestfold.


• Aeroporto de Moss-Rygge, na provincia de Østfold.

Ferrocarril |

A Estación Central de Oslo, a Oslo Sentralstasjon, é a principal estación de ferrocarril da cidade. Con conexións cara as cidades de Trondheim, Estocolmo, Gotemburgo ou Copenhague, entre outras.

Notas |

Wikimedia Commons ten máis contidos multimedia na categoría:  Oslo

v c e Lista das 50 áreas urbanas máis poboadas dos países nórdicos  Dinamarca  Finlandia  Islandia  Noruega  Suecia  Åland  Illas Feroe  Groenlandia 1. Estocolmo 1.372.565 2. Copenhague 1.263.698 3. Helsinki 1.214.210 4. Oslo 958.378 5. Gotemburgo 549.839 6. Tampere 325.025 7. Malmö 280.415 8. Aarhus 261.570 9. Turku 260.367 10. Bergen 250.420 11. Stavanger 210.874 12. Reiquiavik 209.510 13. Oulu 193.817 14. Trondheim 175.068 15. Odense 173.814 16. Uppsala 140.454 17. Aalborg 132.578 18. Jyväskylä 120.306 19. Lahti 117.424 20. Drammen 113.534 21. Västerås 110.877 22. Fredrikstad-Sarpsborg 108.636 23. Örebro 107.038 24. Linköping 104.232 25. Helsingborg 97.122 26. Porsgrunn-Skien 91.737 27. Jönköping 89.396 28. Norrköping 87.247 29. Kuopio 86.034 30. Pori 84.509 31. Lund 82.800 32. Umeå 79.594 33. Esbjerg 72.060 34. Gävle 71.033 35. Vaasa 66.911 36. Borås 66.273 37. Joensuu 65.686 38. Eskilstuna 64.679 39. Södertälje 64.619 40. Karlstad 61.685 41. Randers 61.664 42. Täby 61.272 43. Växjö 60.887 44. Kristiansand 60.583 45. Kolding 58.757 46. Halmstad 58.577 47. Horsens 56.536 48. Lappeenranta 55.429 49. Vejle 53.975 50. Kotka 52.600