Egipte: Sit de Loxòr (drecha)

... Lo flum Nil a Loxòr...

...Estatua faraonica al Temple de Loxòr...

... Viatge en balon a Loxòr...

... Temple de Loxòr: estatuas colossalas de Ramsés II...

Loxòr (en arabi: الأقصر ) es una vila del sud de la Nauta Egipte e la capitala del governorat d'Al Uqsur, de populacion d'aperaquí 200 000 personas. Coma luòc ont se situava abans la vila de Tebas de l'anciana Egipte, Loxòr es estada descricha frequentament coma lo "musèu a l'aire liure mai grand del mond", las ruinas dels complèxes temple a Karnak e Luxor standing a l'interior de la vila modèrna. Immediatament en direccion opausada, en passar lo Nil, son los monuments, temples e tombas de la Necropòli de la Riba Oèst, que compren la Val dels Reis e la Val de las Reinas. De milierats de toristas internacionals arriban cada annada per tal de visitar aqueles monuments e sa venguda representa una part importanta de las fonts economicas de la vila modèrna. En consequéncia, Loxòr representa una basa excellenta per visitar la Nauta Egipte, e es una destinacion populara per las vacanças, a l'encòp interessanta de per se o tanben coma ponch de partida o d'arribada d'una passejada sul Nil.

Istòria |

Per tal de ne saber mai sus l'istòria anciana de Loxòr, veire Tebas.

Economia |

L'economia de Loxòr, coma la de fòrça autras vilas egipcianas, depend en bèla partida del torisme. De nombres importants de gents trabalhan tanben dins l'agricultura.

Infrastructura |

Transpòrt |

Loxòr possedís un aeropòrt internacional, Luxor International Airport.

Fa pas gaire foguèt bastit un pont, qualques quilomètres mai amont de la vila de Loxòr, pr'amor de ligar la Riba Èst a la Riba Oèst.

Pasmens tradicionalament, las traversadas del flum èran estadas reservadas a d'unes servicis de ferry. Lo que se sona popularament lo 'ferry local' contunha de foncionar a partir d'un ponch d'embarcament del costat opausat al Temple de Loxòr. En anar d'un costat e de l'autre, las felocas seguisson la riba èst de Nil tota la jornada, e fornisson un viatge economic e agradiu cap a l'autre costat.

Per çò qu'es de poder viatjar en seguir lo Nil, existís un servici ferroviari que fonciona dos còps per jorn. Se pòt viatjar en tren (de matin o de nuèch) a partir de la gara situada aperaquí 1500 m del Temple de Loxòr. Aquesta linha establís de ligams entre qualques destinacions principalas, coma Lo Caire al nòrd e Assoan al sud.

Sits a visitar del Loxòr modèrne |

• Riba èst
  
  • Lo Temple de Loxòr
    
  
  
  • L'Aeropòrt Internacional de Loxòr
    
  
  
  • Lo Temple de Karnak
    
  
  
  • Lo Musèu de Loxòr
    
  
  
  • Lo Musèu de la Momificacion
    
  
  
  • Lo Winter Palace Hotel
    
  
  

... Mercat de carrièra a Loxòr...

• Riba oèst
  
  • Val dels Reis
  
  
  • Val de las Reinas
  
  
  • 
    Medinet Habu (memorial temple de Ramsés III)
  
  
  • 
    The Ramesseum (memorial temple de Ramsés II)
  
  
  • 
    Deir al-Madinah (vilatge dels obrièrs)
  
  
  • Tombas dels Nòbles
  
  
  • 
    Deir el-Bahri (temple de Hatshepsut, etc.)
  
  
  • 
    Malkata (palais d'Amenophis III)
  
  
  • 
    Colossi of Memnon (memorial temple d'Amenophis III)
  
  

Ligams extèrnes |

• 
  (en) The Luxor Area
  


• 
  (en) Theban Mapping Project: Sit consacrat a la Val dels Reis e a d'autres sits dins la Necropòli tebana


• 
  (en) Luxor Travel Photo De fotografias de Loxòr publicadas jos Creative Commons License


• 
  (en) A tourist's insider guide to Luxor - Extrageographic Magazine
  


• 
  (en) Informacion toristica de Loxòr