19 август — григориан стиле буйынса йылдың 231-се (кәбисә йылында 232-се) көнө. Йыл аҙағына тиклем 134 көн ҡала.

Байрамдар

Халыҡ-ара байрамдар

• 
  Бөтә донъя гуманитар ярҙам көнө.

Милли байрамдар

• 
   Афғанстан — Бойондороҡһоҙлоҡ көнө.


• 
   Вьетнам — Август революцияһы көнө.

Һөнәри байрамдар

• 
   АҠШ — Авиация көнө.

Тарихи ваҡиғалар |

• 
  1991 — ГКЧП-ның СССР-ҙы һаҡлап ҡалыуға йүнәлтелгән саралары.

Был көндө тыуғандар |

Башҡортостан менән бәйле шәхестәр |

0 һәм 5 һанына тамамланған йылдарҙа тыуғандар |

1 һәм 6 һанына тамамланған йылдарҙа тыуғандар |

2 һәм 7 һанына тамамланған йылдарҙа тыуғандар |

• 
  Сәфәров Тәүис Әғләм улы (19.08.1937—7.10.2008), ғалим-иҡтисадсы, юғары мәктәп хеҙмәткәре. Тарих фәндәре кандидаты (1981), иҡтисад фәндәре докторы (2003). Башҡортостан Республикаһының атҡаҙанған сауҙа хеҙмәткәре (1998). Сығышы менән Кушнаренко районы Илек ауылынан.


• 
  Ғәбиҙуллин Ринат Ғиндулла улы (19.08.1942), журналист, сәйәсмән. Рәсәй Федерацияһының 2-се саҡырылыш Дәүләт Думаһы депутаты (1995—1999), КПРФ фракцияһы ағзаһы. КПРФ-тың Башҡортостан Республика комитетының элекке икенсе секретары.

3 һәм 8 һанына тамамланған йылдарҙа тыуғандар |

• 
  Аҡманов Ирек Ғайса улы (19.08.1933), башҡорт тарихсы ғалимы, юғары мәктәп уҡытыусыһы. Тарих фәндәре докторы (1981), профессор (1984). Рәсәй Федерацияһы юғары мәктәбенең атҡаҙанған хеҙмәткәре (2006), Башҡорт АССР‑ының атҡаҙанған фән эшмәкәре (1985),Рәсәй Федерацияһының почётлы юғары профессиональ белем биреү хеҙмәткәре (1998). Башҡортостан Республикаһының Фән һәм техника өлкәһендәге дәүләт премияһы лауреаты (2008) һәм Халыҡтар дуҫлығы ордены (2008) кавалеры.


• 
  Айытҡолова Эльвира Ринат ҡыҙы (19.08.1973), ғалим-филолог, журналист, йәмәғәт эшмәкәре, юғары мәктәп уҡытыусыһы. Башҡортостан Республикаһының 5-се саҡырылыш Дәүләт Йыйылышы — Ҡоролтай депутаты. 2019 йылдың 28 июненән Бөтә донъя башҡорттары ҡоролтайы башҡарма комитеты рәйесе. Филология фәндәре кандидаты.

4 һәм 9 һанына тамамланған йылдарҙа тыуғандар |

• 
  Курбатова Надежда Васильевна (19.08.1944), рәссам-педагог, Стәрлетамаҡтың Балалар сәнғәт мәктәбе уҡытыусыһы. Башҡортостан Республикаһының атҡаҙанған мәҙәниәт хеҙмәткәре.


• 
  Саттаров Рифғәт Миҙехәт улы (19.08.1949, бейеүсе, балетмейстер. 1974—1980 йылдарҙа Башҡорт дәүләт халыҡ бейеүҙәре ансамбле солисы, 1998—2009 йылдарҙа Нефтекама филармонияһының баш балетмейстеры. Рәсәй Федерацияһының атҡаҙанған мәҙәниәт хеҙмәткәре (2004), Башҡорт АССР‑ының атҡаҙанған артисы (1977). Халыҡ бейеүҙәрен яңғыҙ башҡарыусыларҙың һәм балетмейстерҙар‑бейеүҙәрҙе сәхнәгә ҡуйыусыларҙың Бөтә Рәсәй конкурстары лауреаты (Һамар ҡалаһы, 1990, 1993). Сығышы менән хәҙерге Пермь крайының Гремячинск ҡалаһынан.


• 
  Рәхмәтуллина Ләйсән Зөфәр ҡыҙы (19.08.1964), график. 1996 йылдан Рәссамдар союзы ағзаһы. Башҡортостан Республикаһының атҡаҙанған рәссамы (2015) һәм Шәйехзада Бабич исемендәге йәштәр дәүләт премияһы лауреаты (1997), «Йыл аквареле» Халыҡ‑ара конкурсы (Мәскәү, 2005) лауреаты, «Арт‑Мост‑Акварель» Халыҡ‑ара конкурсы (Санкт-Петербург, 2013) дипломанты.

Дөйөм исемлек |

• 
  1951 — Владимир Конкин, совет һәм Рәсәй театр һәм кино актёры («Как закалялась сталь», «Место встречи изменить нельзя» фильмдары).

Был көндө вафат булғандар |

• 
  14 — Октавиан Август, Боронғо Рим императоры.


• 
  1819 — Джеймс Уатт, шотланд инженеры.


• 
  1918 — Бәхтегәрәй Шәфиев, Башҡортостанда революцион хәрәкәттә һәм граждандар һуғышында ҡатнашыусы, журналист.


• 
  1918 — Мулланур Вахитов, татар революционеры һәм сәйәси эшмәкәре.

Йыл көндәре |