Resident Evil Zero
დეველოპერ(ებ)ი	Capcom
გამომცემელი	Capcom
სერია	„Resident Evil“
პლატფორმ(ებ)ი	GameCube, Wii, Microsoft Windows, PlayStation 3, PlayStation 4, Xbox 360, Xbox One
გამოსვლის თარიღი	12 ნოემბერი, 2002 GameCube ჩრდ.ამ. 12 ნოემბერი, 2002 იაპ 21 ნოემბერი, 2002 ავს 28 თებერვალი, 2003 ევრ 7 მარტი, 2003 Wii იაპ 10 ივლისი, 2008 ჩრდ.ამ. 1 დეკემბერი, 2009 ავს 21 იანვარი, 2010 ევრ 22 იანვარი, 2010 Microsoft Windows, PlayStation 3, PlayStation 4, Xbox 360 & Xbox One WW 19 იანვარი, 2016[1] იაპ 21 იანვარი, 2016[2]
ჟანრ(ებ)ი	Survival horror
რეჟიმ(ებ)ი	ერთმოთამაშიანი
რეჟისორ(ებ)ი	კოძი ოდა
პროგრამისტ(ებ)ი	იოსიფუმი ჰირაო
სცენარისტი	ნობორუ სუგიმურა ჰირომიტი ნაკამოტო ძუნიტი მიიასიტა
კომპოზიტორი	სეიკო კობუცი

Resident Evil Zero, იაპონიაში ცნობილია, როგორც Biohazard Zero (იაპონ. : バイオハザード) — survival horror -ის ჟანრის ვიდეო თამაში, შექმნილი და გამოცემული იაპონური კომპანია Capcom-ის მიერ Nintendo GameCube-ის პლატფორმისთვის 2002 წელს. ის არის რიგით მეხუთე ძირითადი თამაში „Resident Evil“-ის სერიიდან და ითვლება „Resident Evil (2002)"-ის პრიკველად.

სიუჟეტი მიმდინარეობს ორი გმირის, ოფიცერ რებეკა ჩემბერზის და დამნაშავე ბილი კოენის გარშემო, რომლებიც იკვლევენ ფარმაცევტული კორპორაცია Umbrella Corporation-ის მიტოვებულ სასწავლო ცენტრს. თამაში ინარჩუნებს „Resident Evil “-ის სერიის გეიმპლეის ელემენტებს,^[3] თუმცა დამატებულია ახალი მახასიათებლები. მასში ვირტუალური კამერა წარმოდგენილი არის მესამე პირის ხედვით. მოთამაშეს შესაძლებლობა აქვს აკონტროლოს ორივე პერსონაჟი და ნებისმიერ დროს გადაერთოს ერთიდან მეორეზე, რაც ხელს უწყობს სხვადასხვა დაბრკოლებებისა და თავსატეხების მარტივად გადალახვას.^[4] ორივე პერსონაჟს გააჩნია უნიკალური შესაძლებლობები, მაგალითად, რებეკა არის მედიკოსი და მოპოვებული მცენარეებით შეუძლია მოამზადოს სამკურნალო საშუალებები და შეაღწიოს რთულად მისადგომ ადგილებში, თუმცა ფიზიკურად სუსტია, ხოლო რაც შეეხება ბილს, ის ფიზიკურად ძლიერია, შეუძლია მძიმე საგნების გადატანა, ფლობს სანთებელას და აქვს სიცოცხლის მაღალი მაჩვენებელი.^[5][6]

თამაშზე მუშაობა დაიწყო 1998 წელს, ხოლო ოფიციალურად დაანონსდა 2000 წლის იანვარში და დემო თამაში ნაჩვენები იქნა Tokyo Game Show-ზე.^[7] თავდაპირველად განკუთვნილი იყო Nintendo 64-ისთვის.^[8] თუმცა მოგვიანებით ნათელი გახდა, რომ თამაშის მოცულობა აღემატებოდა Nintendo 64-ის სათამაშო კარტრიჯისას,^[9] რომელიც მხოლოდ 64 მბ-ს შეადგენდა. ამიტომაც მისი გამოცემა გადაწყდა Nintendo GameCub-ზე, რომელსაც გააჩნდა MiniDVD ფორმატი, რომელიც კარტრიჯთან შედარებით გაცილებით მეტ ინფორმაციას იტევდა. თამაშის სცენარი და გარემო უცვლელი დარჩა, თუმცა კომპანიას მოუწია მასში გარკვეული ცვლილებების შეტანა.^[9] Capcom-მა პლატფორმის ცვლილებასთან დაკავშირებით განცხადება 2000 წლის სექტემბერში გააკეთა.^[10]

თამაშმა მზის შუქი იხილა 2002 წლის 10 ნოემბერს ჩრდილოეთ ამერიკაში, 2002 წლის 21 ნომბერს იაპონიაში და 2003 წლის 7 მარტს ევროპაში.^[11] 2008 წლის დეკემბერში თამაში „Resident Evil“-თან (2002) ერთად პორტირებული იქნა Nintendo Wii-ზე სახელწოდებით „Resident Evil Archives: Resident Evil Zero“. 2016 წლის 19 მარტს Microsoft Windows, PlayStation 3, PlayStation 4, Xbox 360 და Xbox One-პლატფორმებზე გამოვიდა გადაკეთებული ვერსია „Resident Evil Zero HD Remaster“,^[12] რომელიც მოიცავს გაუმჯობესებულ ხმის ეფექტებს და გრაფიკას.

GameCube-ის ვერსიას დადებითი შეფასებები ჰხვდა წილად ვიდეო თამაშების მიმომხილველებისგან.^[13] კრიტიკოსებმა შეაქეს გრაფიკა და ხმის ატმოსფერო,^[3][14][15] ხოლო გადაკეთებულმა ვერსიამ მიიღო შერეული შეფასებები. საერთო განხილვების საიტ Metacritic-ზე GameCube-ის ვერსია ფლობს 83/100.^[13] „Resident Evil Zero-ს გაყიდვების რაოდენობა GameCube-ზე შეადგენს 1.25 მილიონ ეგზემპლარს, ხოლო რემასტერინგული ვერსიის გაყიდვები 2016 წლის მონაცემით 1.3 მილიონს,^[16] ჯამმში — 2.5 მილიონი ასლი. 2004 წლის 24 ოქტომბერს გამოიცა თამაშზე დაფუძნებული სტეფანი დანელე პერის რომანი „Resident Evil: Zero Hour“.^[17]

რესურსები ინტერნეტში |

• 
  


• 
  ოფიციალური საიტი (იაპონური)
  


• 
  „Resident Evil Zero“ საიტზე MobyGames
  


• Resident Evil Archives: Resident Evil Zero

სქოლიო |

ხ • გ • რ „Resident Evil“ Capcom ვიდეო თამაშები ძირითადი სერიები „Resident Evil“ „2002 რიმეიკი“ „2“ „2019 რიმეიკი „3: Nemesis“ „Code: Veronica“ „Zero“ „4“ „5“ „6“ „7: Biohazard“ „Revelations“ „Revelations“ „Revelations 2“ „Survivor“ „Survivor“ „Survivor 2 Code: Veronica“ „Dead Aim“ „Outbreak“ „Outbreak“ „Outbreak File #2“ „Chronicles“ „The Umbrella Chronicles“ „The Darkside Chronicles“ „Mercenaries“ „Mercenaries Vs.“ „The Mercenaries 3D“ სხვა თამაშები „Gaiden“ „Operation Raccoon City“ „Umbrella Corps“ მობილური თამაშები რომანები „კალიბანის ყურე“ „სხვა სამყარო“ ფილმები ფილმების სერია „ბოროტების სავანე“ „აპოკალიფსი“ „გადაშენება“ „სიცოცხლე სიკვდილის შემდეგ“ ანგარიშსწორება“ „დასკვნითი ნაწილი“ ანიმაციური ფილმები „Biohazard 4D-Executer“ „გადაგვარება“ „წყევლა“ „ვენდეტა“ მუსიკა ვიდეო თამაშების საუნდტრეკი ფილმების საუნდტრეკი პერსონაჟები ადა ვონგი ალბერტ ვესკერი კლერ რედფილდი კრის რედფილდი ჯილ ვალენტაინი ლეონ ს. კენედი ნემესისი რებეკა ჩემბერზი შევა ალომარი ტირანი ელისი პერსონალი სინძი მიკამი ჰიდეკი კამია ჰიროიუკი კობაიასი ძუნ ტაკეუტი ნობორუ სუგიმურა სხვა „Umbrella“ რაკუნ-სიტი კატეგორია