11 март — григориан стиле буйынса йылдың 70-се (кәбисә йылында 71-се) көнө. Йыл аҙағына тиклем 295 көн ҡала.

Байрамдар

Халыҡ-ара байрамдар

Милли байрамдар

• 
   Замбия — Йәштәр көнө.

Һөнәри байрамдар

• 
   Рәсәй — Наркоконтроль хеҙмәткәрҙәре көнө.

Тарихи ваҡиғалар |

• 
  106 — Цай Лун бамбук сүсенән ҡағыҙ эшләй.


• 
  1918 — Совет хөкүмәте Петроградтан Мәскәүгә күсә.


• 
  1931 — СССР-ға Библия индереү һәм һатыу тыйыла.


• 
  1939 — Башҡортостан Республикаһының Фәйзи Ғәскәров исемендәге халыҡ бейеүҙәре ансамбле ойошторола.

Был көндө тыуғандар |

Башҡортостан менән бәйле шәхестәр |

0 һәм 5 һанына тамамланған йылдарҙа тыуғандар |

• 
  Юмашева Инга Альбертовна (11.03.1985), Рәсәй телевидение һәм радио алып барыусыһы, журналист. Рәсәй Федерацияһының VII саҡырылыш Дәүләт Думаһы депутаты.

1 һәм 6 һанына тамамланған йылдарҙа тыуғандар |

• 
  Никонов Алексей Васильевич (11.03.1911—9.07.1937), Испаниялағы граждандар һуғышында батырҙарса һәләк булған яугир, танкист. Советтар Союзы Геройы (1937).


• 
  Файыҡ Мөхәмәтйәнов (10.03.1921—2.06.2009), шағир, журналист. Бөйөк Ватан һуғышында һәм 1945 йылдағы совет-япон һуғышында ҡатнашыусы. 2‑се дәрәжә Ватан һуғышы (1985), Ҡыҙыл Йондоҙ (1945) һәм «Почёт Билдәһе» (1976) ордендары кавалеры. Башҡорт АССР-ының атҡаҙанған мәҙәниәт хеҙмәткәре (1980).

2 һәм 7 һанына тамамланған йылдарҙа тыуғандар |

• 
  Латипова Фәүзиә Шәғәле ҡыҙы (11.03.1947), журналист. Башҡортостан Республикаһының атҡаҙанған мәҙәниәт хеҙмәткәре (1993) һәм Журналистар союзы ағзаһы (1996).

3 һәм 8 һанына тамамланған йылдарҙа тыуғандар |

• 
  Елисеев Спартак Феопемптович (11.03.1923—7.09.2002), ғалим-философ, социолог, юғары мәктәп уҡытыусыһы. Философия фәндәре докторы (1977), профессор (1978). Башҡорт АССР-ының атҡаҙанған фән эшмәкәре (1977). Бөйөк Ватан һуғышында ҡатнашыусы. Сығышы менән Владикавказ ҡалаһынан.


• 
  Рафиҡов Зәйнетдин Фәсхетдин улы (11.03.1923—2007), башҡорт шағиры, публицист. Хәрби хеҙмәткәр, отставкалағы полковник. Бөйөк Ватан һуғышында ҡатнашыусы. Мәләүез районының Булат Рафиҡов исемендәге премияһы лауреаты (2002).


• 
  Ғәлиәскәров Рифғәт Хәжиәкбәр улы (11.03.1948), дәүләт эшмәкәре. 1994—1998 йылдарҙа Ҡариҙел район хакимиәте башлығы. 1995—1998 йылдарҙа Башҡортостан Республикаһы Дәүләт Йыйылышы — Ҡоролтайҙың Вәкилдәр Палатаһы депутаты. Башҡортостан Республикаһының атҡаҙанған ауыл хужалығы хеҙмәткәре.


• 
  Йыһангиров Роберт Әмин улы (11.03.1958), ғалим—хәрби табип-хирург, юғары мәктәп уҡытыусыһы. Медицина фндәре докторы (2004), профессор (2012). Медицина хеҙмәте полковнигы (2010). Башҡортостан Республикаһының атҡаҙанған табибы (1999), Рәсәй Федерацияһының һаулыҡ һаҡлау отличнигы (2002). Сығышы менән Тажик ССР‑ының Чкаловск ҡалаһынан.


• 
  Әхмәҙиев Фәрит Вафа улы (11.03.1968), ғалим-философ, яҙыусы, тәржемәсе, журналист һәм йәмәғәт эшмәкәре. Философия фәндәре кандидаты (2009). Башҡортостан Республикаһы Журналистар союзының 2006—2010 йылдарҙағы рәйесе. «Золотое перо России-2016» халыҡ-ара конкурсы лауреаты.

4 һәм 9 һанына тамамланған йылдарҙа тыуғандар |

• 
  Төхвәтуллин Олег Нәжип улы (11.03.1964), журналист, «Ҡыҙыл таң» гәзитенең баш мөхәррир урынбаҫары. 1987 йылдан СССР Журналистар союзы ағзаһы. Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2008) һәм Шәһит Хоҙайбирҙин исемендәге премия лауреаты (2014). Сығышы менән хәҙерге Башҡортостан Республикаһының Дүртөйлө районы Мәмәдәл ауылынан.

Дөйөм исемлек |

Был көндө вафат булғандар |

• 
  1801 — Павел I, Рәсәй императоры, 1796—1801 йылдарҙа хакимлыҡ итә.


• 
  1945 — Имаметдинов Мәғсүм Имаметдин улы, Бөйөк Ватан һуғышында ҡатнашыусы, Советтар Союзы Геройы (1945).

Йыл көндәре |